|
啤梨葉文輝鍾意唱歌，就連玩樂器都一樣投入，更在廚房彈起結他來。睇清楚，他手執的是「結他」意粉機，「彈」出的是一條條自製意粉，啤梨說：「係呀，我鍾意食意粉，但從未試過親手做，今次有大廚Michele傍住，實得啦！」原來如此，難怪他一臉自信。
除了做DJ，啤梨還唱歌出碟、自創漫畫人物「海盜啤」，構思一系列漫畫書及廣播劇，似乎瓣瓣精。但一講到入廚，他即時認輸：「爸爸煮o野食好叻，但我得唔到遺傳，試過o係屋企整咕嚕肉、粟米斑塊同湯圓，味道麻麻o地。」
做意粉 最忌無力
啤梨自言為食，更對意大利菜情有獨鍾：「我最鍾意食天使麵、墨汁意粉、南瓜意大利飯。平時o係屋企煮，只會到超市買乾貨，今次嘗試自己整，想做出新鮮、味道香、煮後口感Al Dente的意粉！」初哥未開始動手，已經想得完美，好彩Chef Michele未有潑冷水：「自製新鮮意粉唔算難，做麵糰只需麵粉同雞蛋，好難做唔到，最多都係做得唔夠好、難食o的囉，例如加水太多及搓麵糰時力度不夠，都會令麵糰變得軟腍腍，做出來的麵條就會冇彈性。」
Chef Michele又表示，意大利南部以乾麵條馳名，北部則最叻鮮製意粉。當地人極愛吃意粉，除每天都品嘗外，每逢星期日更會一家人合力炮製新鮮意粉，口味以番茄及羅勒汁、蒜頭及辣椒汁的最普遍，而今次示範的意大利麵配烤雞胸及羅勒香草醬，也算是大眾化的菜式。
 |
 |
| 應該將蛋先打在另一隻碗內，如此可睇清楚雞蛋有否變壞，以及剔走蛋殼。 |
|
|
解構「結他」機
今次炮製麵條的靈魂，原名Chitarra，是傳統手製意大利粉的切麵工具，機上有多條可調校寬度的鐵線，以便切割出兩種不同粗幼度的麵條。使用時只要將壓平的麵皮放在鐵線上，再用麵棍輾壓麵皮，便可切出麵條。但若然沒有「結他」機點算？即睇今次示範菜式的「麵條做法」就會一清二楚！
| 
