陳宇琛擸雙鏟燒大阪

出外用膳，很多時都因為唔想自己煮兼想有人服侍，偏偏在銅鑼灣新開的大阪燒專門店Bang Bang Pan Pan卻要客人自己落手落腳，兼不會有專人服侍。以為她難以站得住腳，偏偏又深受年輕食客歡迎，貪玩的陳宇琛（Sam）便是其中一個支持燒大阪的……噢！係大阪燒至真。 新店Bang Bang Pan Pan吃的是日式大阪燒，故店主特意將店子打造成日本小店模樣，純白主調，加上繪在牆上的「渣」鑊鏟大馬騮，甚得Sam歡心︰「我比較喜歡這類設計，簡約富型格，又不會蓋過菜式的風頭。」 雞肉芝士軟骨球$38/2件外層的免治肉是以混合了雞髀肉的雞軟骨製成，中間則加入Mozzerella芝士，每件都結合了雞軟骨的脆、雞髀肉的滑及芝士的香。 形狀口味 你話事 「你想點就點」是Bang Bang Pan Pan的賣點，店主Christian說︰「大阪燒的日文『Okonomiyaki』中的『Okonomi』，本來就有『鍾意點就點』之意，故這裏不止由客人親製大阪燒，就連配料亦可自由搭配，燒餅形狀和口味全由自己決定。」「想點就點」正中貪玩的Sam下懷︰「自己落手落腳整，唔代表冇服務，店主特意將製作步驟印在A4紙上讓客人照辦煮碗，店員亦會適時給予幫忙，令整個過程都充滿玩味，邊玩邊食，唔使你眼望我眼等上菜咁悶！」 獨家秘製福袋$48錫紙內包著三文魚、洋蔥及照燒汁，魚肉燒得嫩滑，洋蔥則吸收了醬汁，兩者同時品嘗，能平衡口感及味道。最佳製作時間︰約8-9分鐘 粉漿 更薄更鬆化 把重點放在玩味上的同時，店方亦重視食物質素，像炮製大阪燒的粉漿，特別經過調配，Christian說︰「傳統所用的粉漿比較厚，未必合港人口味，所以我將麵粉、薯粉、水、雞蛋的分量加以改良，令粉漿薄得來較鬆化。」Sam試食後說︰「唔似傳統咁厚身，食落唔會有成口麵粉的感覺。」另外，Christian研究多年而成的秘製三文魚福袋，Sam亦讚不絕口，Christian說︰「我花了十年時間研究如何令三文魚煮後依然嫩滑，但秘方不便透露，我只可以說，因為溫度問題，三文魚烹調時是不會吸收醬汁，所以我特別加入洋蔥使其吸味，令口感及味道都得以平衡。」 大阪燒DIY步驟 １，把碗內材料完全拌勻。 All About Science 老闆Christian學廚十多年，讀番書的他連烹調亦講科學，他說︰「每種食物在烹調時都會產生反應，而這些反應就屬於科學問題，例如烹調時的火力，會令食材產生變化，而我就研究控制這些變化的烹調法，令出品更佳。」恕小記才疏學淺，聽完還是滿腦子問號，想叫他具體點解釋，他卻笑說不可透露，不論小記如何軟硬兼施亦枉然，老闆的堅持果真是有態度。 查詢：2203 4009

本文由 on.cc 提供，以上資訊及評論並不代表 MSN 立場和觀點。